(මෙය Hack work vs. history: Aidan Beatty’s The Party Is Always Right: The Untold Story of Gerry Healy and British Trotskyism මැයෙන් 2024 අගෝස්තු 12දා පල කල ලිපියේ පරිවර්තනය යි.)
දැනට පිට්ස්බර්ග්හි කානගී මෙලන් විශ්ව විද්‍යාලයේ දේශකයෙකු ලෙස සේවය කරන මහාචාර්ය එයිඩන් බෙටී, සැප්තැම්බරයේ දී නිකුත් වීමට නියමිත ඔහුගේ පක්ෂය සෑමවිට ම නිවැරිදියි: ජෙරී හීලි හා බ්‍රිතාන්‍ය ට්‍රොට්ස්කිවාදයේ නොකියූ කතාව නමැති කෘතිය ගැන නිවේදනයක් පල කර ඇත.
කෘතිය විධිමත් ව නිකුත් කල විට, ලෝක සමාජවාදී වෙබ් අඩවිය සවිස්තරාත්මක විමර්ශනයක් පල කරනු ඇත. එහෙත් දැනට මත් විමර්ශන පිටපත් ලැබී කියවා ඇති මම, මෙහි දී සඳහන් කරන්නේ බෙටී මුලුමනින් ම අශික්ෂිත කතාවලින් පිරී ගිය දුෂ්කාර්ය කෘතියක් ලියා ඇති බව යි.
බෙටීගේ අධම හා විකෘතිමත් පවා වන තානය එහි ආරම්භක වාක්‍ය තුල ස්ථාපිත කරනු ලබයි:
මෙම කෘතිය ජෙරී හීලි නමැති ඒකාධිපතිවාදී හා නින්දිත අයර්ලන්ත ජාතිකයෙක් සහ ඔහු නිර්මානය කිරීමට උදවු වූ දේශපාලන ලෝකය පිලිබඳ එකකි ... එය වනාහි ප්‍රචන්ඩත්වය හා දුශ්චර්යාවන්, ලිංගික අපයෝජන, පුද්ගලාභිවාදනය, කුමන්ත්‍රන න්‍යායයන්, නොමග ගිය ප්‍රසිද්ධ පුද්ගලයින් සහ විය හැකි පරිදි ජාත්‍යන්තර ඔත්තු බැලීම හා මිනීමැරීම ගැන ද වන කතාවකි; මේ සියල්ල මැද සිටින්නේ හීලි නමැති මිනිසා යි ...ඉතාමත් කැත පුද්ගලයෙක් ...හීලිගේ කායික අවලස්සන කම සැමවිට ම වඩා ගැඹුරු, වඩා ප්‍රගාඪ දේශපාලනික හා සදාචාරාත්මක අවලස්සනකමක සංඥාව ඉස්මතු කලේ ය. [xvi]
චරිතාපදානයක මූලික අවශ්‍යතා එකක් වත් මෙම කෘතිය සම්පූර්න නො කරයි. විෂයයේ ජීවිතය පරිස්සමින් විභාග කරන ෙඑතිහාසික සන්දර්භයෙන් මුලුමනින් ම පිටස්තර ව පිහිටුවනු ලබයි. අයර්ලන්තයේ ඉපදී, සිවිල් යුද්ධය සමයේ හැදී වැඩුනු හීලි, ආධිපත්‍යධාරී ජාතිකවාදී දෘෂ්ටිවාදයේ සිට මාක්ස්වාදී ජාත්‍යන්තරවාදය කරා පරිවර්තනය සිදුකලේ මන් ද හා කෙසේ ද යන්න විස්තර කිරීම පසෙක තැබුවත්, විභාග කිරීම වත් කරනු නො ලැබේ. හතරවන ජාත්‍යන්තරය තුල හීලි ගත කල අර්ධ-ශතවර්ෂය පුරා සටන් වැදුනු බ්‍රිතාන්‍ය ඇතුලත හා ජාත්‍යන්තර දේශපාලන ප්‍රස්තුතයන් ගැන කොහොමටවත් සඳහන් කරන්නේ නැත.
හතරවන ජාත්‍යන්තරයේ පැවැත්මට හේතු වූ කාරනා, ස්ටැලින්වාදයට එරෙහි අරගලයට යටින් පැවති දේශපාලන ප්‍රශ්න, හතරවන ජාත්‍යන්තරය තුල 1953 භේදයට ද හතරවන ජාත්‍යන්තරයේ ජාත්‍යන්තර කමිටුව (හජාජාක) පිහිටුවීමට ද තුඩු දුන් ගැටුම් සහ 1963 දී එක්සත් ජනපදයේ සමාජවාදී කම්කරු පක්ෂයෙන් හජාජාක පසුකාලීන ව භේද වීම මුලුමනින් ම නො තකා හැරේ. බැරෑරුම් දේශපාලන අන්තර්ගතයකින් තොර ව ලියන ලද අසම්බන්ධිත සටහන් කිහිපයක් හැරුනු විට, ලෝක ට්‍රොට්ස්කිවාදී ව්‍යාපාරය ඇතුලත ප්‍රධාන චරිතයක් ලෙස හීලිගේ ඉස්මතු වීමට තුඩු දුන් කාරනා ගැන විශ්ලේෂනයක් නැත. හීලි බරපතල ලෙස පක්ෂ කේඩරය අපයෝජනය කිරීම හෙලිදරවු වීම සමග සමපාත ව, 1985 දී කම්කරු විප්ලවවාදී පක්ෂය (කවිප) තුල පුපුරා ගිය විනාශකාරී අර්බුදයේ දේශපාලනික සම්භවයන් හා වර්ධනයන් ගැන ද කිසිදු විමර්ශනයක් නැත.
බෙටී සරලව ම අරමුනු කරගත්තේ -නැතහොත් සමහර විට වඩා නිවැරදි ලෙස ඔහුට පවරන ලද්දේ- බ්‍රිතාන්‍යය තුල ට්‍රොට්ස්කිවාදී ව්‍යාපාරයේ හා ඒ නිසා ම හතරවන ජාත්‍යන්තරයේ ඉතිහාසය පිලිබඳ ව කිසිවක් නො දැන හීලි ගැන චරිතාපදානයක් ලිවීම බැවින්, ඇත්ත වසයෙන් ම බෙටීට මෙම ප්‍රශ්න සාකච්ඡා කිරීමට හා පැහැදිලි කිරීමට නො හැකි විය.
අඥානකම විස්මයජනක ලෙස පිලිගැනීමකට සමාන වන දෙයක් සිදු කරමින්, කෘතිය ආරම්භයේ තිබෙන ස්තුති සටහන් තුල බෙටී මෙසේ ලියයි:
ජෙරී හීලි ගැන මා පලමුවරට ඇසුවේ කවදාදැයි මට මතක් කරගත නො හැකි නමුත්, 2020 වසර ආරම්භයේ දී ම ඔහු පිලිබඳ ලේඛන එකතු කිරීම අරඹා තිබුනේ, දීර්ඝ ජනමාධ්‍යවේදී ලියවිල්ලකට හෝ සුවිශේෂී ශාස්ත්‍රාලීය ලිපියකට එය තුඩු දෙනු ඇද්දැයි නො දැනුවත් ව ය. [ix]
වසර දෙකකට යන්තම් වැඩි කාලයක් ඇතුලත, තම චරිතාපදානයේ විෂයය ගැන දැනුමක් නැති තැනක සිට ජෙරී හීලි යක්ෂයෙක් වීය යන නිශ්චිත නිගමනය කරා බෙටී එලැඹුනේ ය. එහෙත්, මෙම පූර්ව-නිර්නිත නිගමනය සමගින් පටන්ගත් බෙටී, ඔහුගේ “උපන්‍යාසය” තහවුරු කිරීමට ඔහුට අවශ්‍ය කල ලේඛන එකතු කිරීම ආරම්භ කල බව පැහැදිලි ය. මේ අනුව, ඔහුට සොයාගැනීමට හැකි තරම් හීලිගේ අමනාපයට පත් දේශපාලනික හා පෞද්ගලික හතුරන් සමග සන්නිවේදනය කරමින් හා සම්මුඛ සාකච්ඡා පවත්වමින් බෙටී ඔහුගේ කෘතිය නිර්මානය කලේ ය. චෝදනාව සඳහා භව්‍ය සාක්ෂිකරුවන් විශාල ප්‍රමානයක් ක්ෂනික ගූගල් සෙවුමකින් ඔහුට සම්පාදනය කර දෙනු ඇත.
බෙටී මෙසේ ලියයි: “2022 හා 2023 පුරා, හිටපු එස්එල්එල් (සමාජවාදී කම්කරු සංගමයේ) හා කවිපයේ ද, ඒවා හා සම්බන්ධ කන්ඩායම්වල ද සාමාජිකයන් සහ පලල් වමේ ක්‍රියාධරයින් සමග මම විස්තීර්න සම්මුඛ සාකච්ඡා පැවැත්වූයෙමි.” [xi] කම්කරු විප්ලවවාදී පක්ෂයට විරුද්ධ සංවිධානවලට බැඳී සිටි හෝ දීර්ඝ කාලයකට පෙර සමාජවාදී ව්‍යාපාරය අතහැර දැමූ හා ප්‍රති-කොමියුනිස්ට්වාදීන් බවට පවා පත් ව සිටින කවිප හිටපු සාමාජිකයන් වන බෙටීගේ බොහෝ සංවාදකයන් විසින් තොරොම්බල් කරන හෙලාදැකීම්, බොරු හා අර්ධ-සත්‍යයන් පිටපත් කිරීමෙන් හා පල කිරීමෙන් බෙටී “වාචික ඉතිහාසය” යනුවෙන් හඳුන්වන දෙය සමන්විත වෙයි.
කෙසේනමුත්, ඔහුගේ “සම්මුඛ සාකච්ඡා පිලිබඳ සටහන්” තුල බෙටී සන්නිවේදනය කල අය අතර මා ද සිටී:
සති ගනනාවක ප්‍රමාදයකින් පසුව, ප්‍රකෝපී හා පරිභවකාරී පනිවුඩ මාලාවක් එවන තෙක්, සම්මුඛ සාකච්ඡාවකට සහභාගි වීමට ඩේවිඩ් නෝර්ත් ආරම්භයේ දී මනාපය පල කලේ ය. පසුව ඔහු ට්විටර් මත මා සහ කෘතිය හෙලාදුටුවේ ය. [xi]
බෙටී සමග මාගේ ලිපි හුවමාරුවල වාර්තාවක් පවතින අතර, සම්මුඛ සාකච්ඡාවක් සඳහා ඔහුගේ ඉල්ලීම මා විසින් ප්රතික්ෂේප කල හේතු එමගින් පැහැදිලි කරයි.
2022 ජනවාරි 9දා ලෝක සමාජවාදී වෙබ් අඩවියේ සන්නිවේදන පෝරමය මත බෙටී ඉල්ලීමක් කල අතර, එය මෙසේ ලිවී ය:
හායි!, පිට්ස්බර්ග් විශ්ව විද්‍යාලයේ ඉතිහාසඥයෙක් වන මම දැනට ජෙරී හීලි සහ කම්කරු විප්ලවවාදී පක්ෂය ගැන විශේෂ අවධානයක් යොමු කරමින් බ්‍රිතාන්‍ය ට්‍රොට්ස්කිවාදයේ ඉතිහාසය පිලිබඳ ව පර්යේෂනයක නිරත ව සිටිමි. මේ සඳහා වාචික සම්මුඛ සාකච්ඡා පැවැත්වීම ට මනාපයෙන් පසු වන මම, මා සමග සම්මුඛ සාකච්ඡාවකට ඩේවිඩ් නෝර්ත්ට ආරාධනා කිරීමට කැමැත්තෙමි. -ඔබ සතුව ඔහුගේ සන්නිවේදන තොරතුරු තිබෙනවා ද නැති නම් ඔබට මෙම ඊ-මේල් පනිවුඩය ඔහුට යොමු කල හැකි ද? ඔබේ කාලයට ස්තුතියි, එයිඩන්
ඉන් පසුව ඔහුගේ ව්‍යාපෘතියේ ඉලක්ක පිලිබඳ වැඩිදුර තොරතුරු විමසමින් එදින ම මම පිලිතුරක් යැවුවෙමි:
හිතවත් මහාචාර්ය බෙටී,
ඔබේ ලිපිය මා වෙත එවා තිබෙනවා.
සම්මුඛ සාකච්ඡාවකට එකඟ වීමට පෙර, ඔබේ ව්‍යාපෘතිය පිලිබඳ ව වැඩිදුර දැනගැනීමට මම කැමැත්තෙමි.
ඔබ මෙම ව්‍යාපෘතිය පිලිබඳ කොපමනක් වැඩකර තිබෙනවා ද? ඔබේ පර්යේෂනය සමන්විත වී ඇත්තේ කුමකින් ද? කම්කරු විප්ලවවාදී පක්ෂයේ ඉතිහාසය සහ ජෙරී හීලිගේ වෘත්තීය ජීවිතය සමග ඔබ කොතරම් සමීප ද? ඔබට මා සමග සාකච්ඡා කිරීමට අවශ්‍ය වන්නේ ඇයි?
මම ඔබෙන් පිලිතුරක් අපේක්ෂා කරමි .
ඔබේ අවංක,
ඩේවිඩ් නෝර්ත්
2022 ජනවාරි 10දා බෙටී පිලිතුරක් එවී ය:
හිතවත් ඩේවිඩ්
මා හට පෙරලා ආමන්ත්‍රනය කිරීම ගැන ස්තුතියි
කම්කරු විප්ලවවාදී පක්ෂයේ මෙන් ම සමාජවාදී කම්කරු සංගමයේ ඉතිහාසය ගැන මනා අවබෝධයක් මට තිබෙන බව මා කිව යුතු යි (ඒ පිලිබඳ ව මට අභියෝග කරන්නේ නම් මා සතුටුයි!). දැනට මා ඒවා පිලිබඳ ව වසර දෙකක් පර්යේෂනයේ යෙදී සිට ඇති අතර ඒවායේ පලකිරීම් බොහොමයක් කියවා ඇත්තෙමි -ඔවුන් පල කල පුවත්පත් හා විවිධාකාර පොත්පිංචවල්. හීලි සහ කවිප ගැන ඍජු ව හෝ වක්‍ර ව සාකච්ඡා කරන ඔබ පල කල කෘති ද මම කියවා ඇත්තෙමි. (උදාහරනයක් ලෙස 1991 දී ඔබ හීලි ගැන ලියූ පොත්පිංච සහ හතරවන ජාත්‍යන්තරයේ පොදු ඉතිහාසය ගැන ඔබේ කෘතිය)
මගේ පර්යේෂනයේ මේ අවදියේ දී වියවුල් දෙකක් මට මුනගැසී ඇති බව මට හැඟෙයි (හීලි ව දැන සිටි හා/හෝ කවිප සමග විවිධාකාරයෙන් අන්තර්ක්‍රියා කල ඔබ වැනි පුද්ගලයින් සමග සම්මුඛ සාකච්ඡා පැවැත්වීමට මම අපේක්ෂාවෙන් පසුවෙමි):
1. හීලි පිලිබඳ ව පල කර ඇති බොහෝ කෘතිවලින් ඉස්මතු වන හීලිගේ ප්‍රතිරූපය ත් (ඔහු අපවාදාත්මක බව, ඔහු වනාහි හෙගලියානු දර්ශනවාදය පිලිබඳ ව බාගෙට තැම්බුනු අවබෝධයන් පිලිබඳ ව නිමක් නැති දේශන පැවැත්වූ ඉතා නරක කථිකයෙක් වූ බව ආදී), සමහර මිනිසුන්ට ඔහු ඉහල මනසකින් යුක්ත වූ මාක්ස්වාදියෙක් සහ එක්සත් රාජධානිය තුල විප්ලවයක් ආසන්න බව තම අනුගාමිකයන්ට ඒත්තු ගැන්වීමට සමත් වූ සිත් ඇදගන්නාසුලු හා ප්‍රතාපවත් නායකයෙක් යයි තවමත් තිබෙන පරස්පර ප්‍රතිරූපය සමග මම සැබෑවට ම අරගලයේ යෙදෙමි. පඨිත මූලාශ්‍රයන්ගෙන් මට හීලි පිලිබඳ ව උගත හැක්කේ කොතරම්දැයි යන්නට සීමාවක් ඇතැයි සැබෑවට ම පෙනෙන නිසා, ඔහු ව සත්‍ය වසයෙන් දැන සිටි මිනිසුන්ට කතා කිරීමට මට හැකි නම් එය සැබෑවට ම උපකාරී වනු ඇත. අනාගතයේ පලකරන කෘතියක් තුල මට සම්පාදනය කල හැකි ඔහු පිලිබඳ විස්තරකථනය ඉදිරිපත් කිරීමට මෙය උපකාරී වනු ඇතැයි මම අපේක්ෂා කරමි.
2. ඔහු වටා පවතින චෝදනාවන් හා චෝදනාවන්ට ප්‍රතිවිරුද්ධ බොහෝ දේ තිබෙන අතර මේ සියල්ල පිලිබ ඳ ඍජු කතන්දරයක් කීම එමගින් අසීරු බවට පත්කරයි. හීලි ඔහුගේ ලමා කාලය පිලිබඳ ව කතන්දර ගෙතූ බවට සාක්ෂි බොහොමයක් මට හමු වී ඇත. ප්‍රබන්ධයන්ගෙන් කරුනු වෙන්කිරීමට මා උත්සාහ දරන නිසා, මේ ආලෝකයෙන් හීලි සහ කවිප පිලිබඳ ව සමහර පැහැදිලි කරගත යුතු ප්‍රශ්න ඔබගෙන් ඇසීමට මම අතිශයින් ම කැමැත්තෙමි.
හීලි පිලිබඳ ව ලිවීමේ දී මාගේ සාමාන්‍ය අරමුන වන්නේ, සමාජවාදය පිලිබඳ ඔහුගේ හුයපටෙහි පොදු ඉතිහාසයක් ලිවීම සහ එස්එල්එල් හා කවිප ක්‍රියාකාරකම්වලින් අද දින සමාජවාදීන්ට ගත හැකි (බොහෝ සෙයින් ඍනාත්මක) පාඩම් ගැන ලිවීම යි. මා හට තවත් අභිප්‍රේරනයක් වන්නේ, අයර්ලන්තයේ හීලි පැමිනි ප්‍රදේශය වන ගැල්වේ ප්‍රදේශයෙන් ම මා පැමිනීම සහ අයර්ලන්තයේ එම ප්‍රදේශයේ සමාජවාදීන් මත ඔහු තවමත් අරුමු පුදුම සෙවනැල්ලක් ලෙස පැවතීම යි - ගෝලීය වමේ කොටසක් අතර හෝ ආනුභාවයක් දැරීමට ඔහු සමත් වූ කාලයක් පැවති නමුත් අව්‍යාජ සමාජවාදයේ කිසිදු වර්ගයක් සමග කිසිසේත් නො ගැලපෙන දේවල් ඔහු කලේ ය. එහි ප්‍රතිඵලයක් ලෙස ඔහුගේ චරිතාපදානය තුල එක්තරා වර්ගයක පුද්ගලික අවශ්‍යතාවක් මට තිබේ (කවිප පිලිබඳ පර්යේෂනයට අවශ්‍ය මගේ වඩා බැරෑරුම් කාරනාවන් අතර එය පැහැදිලිව ම සුවිශේෂී ලෙස බැරෑරුම් අභිප්‍රේරනයක් නො වේ).
මේ සියල්ල ඔබට නම්‍යශීලී නම්, කරුනාකර මට දන්වන්න. මෙය සූම් හෝ ස්කයිප් තාක්ෂනය හරහා කිරීමට මම කැමැත්තෙමි. කෝවිඩ් වසංගතය මගින් අවසර දෙන තාක් දුරට මෙය පුද්ගලික ව මුනගැසී කිරීමට ද මම කැමැත්තෙමි. මගේ බිරිඳගේ පවුල මා නිතර පැමිනෙන ඩිට්‍රොයිට් පිටත ප්‍රදේශයේ ජීවත් වෙයි (මගේ අවබෝධයට අනුව ඔබ ඩිට්‍රොයිට්හි ජීවත් වෙයි, නිවැරදි ද?).
ඔබේ කාලයට ස්තුතියි,
එයිඩන්
බෙටී බැරෑරුම් පර්යේෂනයක නිරත වී සිටි බව ඔහුගේ ලිපිය පෙන්නුම් කල නිසා, සම්මුඛ සාකච්ඡාවක හැකියාව පිලිබඳ ව ඔහු සමග සාකච්ඡා කිරීමට මම එකඟ වුනෙමි. ජනවාරි 10දා පශ්චාත් භාගයේ මම පිලිතුරක් යැවුවෙමි:
හිතවත් එයිඩන්,
අවම වසයෙන් ආරම්භක සාකච්ඡාවක් වත් ඔබ සමග පැවැත්වීමට මම කැමැත්තෙන් සිටිමි.
හීලි දැවැන්ත සංකීර්න හා දුරවබෝධී දේශපාලන චරිතයක් වූ බවට ප්‍රශ්නයක් නැත.
මයික් බන්ඩා සහ ක්ලිෆ් ස්ලෝටර් සමග මෙන් ම, හීලි සමග ද 1974 හා 1985 අතර මම සමීප දේශපාලන සබඳතාවක් පැවැත්වූයෙමි. එම කාලපරිච්ඡේදයෙහි අවසන් භාගයේ දී, ඔවුන් සියලු දෙනා සමග මූලික දේශපාලනික හා තීව්‍රතර ලෙස ලේඛනගත කරන ලද දේශපාලනික වෙනස්කම් මම ඉස්මතු කලෙමි. එහෙත්, වෛරය නො සලකා හැරිය ද පුද්ගලික එදිරිවාදුකමක් වත් ඔවුන් කිසිවෙකු සමග මම කිසිදා ඉස්මතු නො කලෙමි. තියුනුතම භාෂිතයන්ගෙන් මගේ වෙනස්කම් ප්‍රකාශ කිරීමට මට බලකෙරුනු විට දී පවා, ට්‍රොට්ස්කිවාදී ව්‍යාපාරය ගොඩනැගීමේ දී ඔවුන් සියලු දෙනා ඉටුකර තිබූ භූමිකාව ගැන මම සෑමවිට ම සැලකිලිමත් වූයෙමි.
මම මෙම කරුනු ඉදිරිපත් කරන්නේ, එස්එල්එල් හා කවිප සාමාජිකයන් ව සිටිය දී, හීලි සමග වෙනස්කම් කිසිදා ප්‍රකාශ නො කල මිනිසුන් විසින්, සෑමවිට ම පාහේ ඔහු පිලිබඳ ව කියා හා ලියා ඇති නිසා වන අතර, ඔවුන් එසේ කලේ ට්‍රොට්ස්කිවාදී ව්‍යාපාරය අතහැර යාමෙන් පසුව, ඔහු යක්ෂයෙකු ලෙස පින්තාරු කල හෙයිනි.
සූම් ඇමතුමක් ගැනීමට ඔබ කැමති වේලාව මට දන්වන්න.
උනුසුම් සුභපැතුම් සමගින්,
ඩේවිඩ්
2022 ජනවාරි 11දා බෙටී එයට පිලිතුරු දුන්නේ ය:
හිතවත් ඩේවිඩ්,
මෙයට එකඟ වීම ගැන අතිශයින් ස්තුතියි. ආවෘත අන්තරයක් වන පුද්ගලයෙකු ගැන හුදු හතුරුකම වර්ධනය වීමේ නිමග්න නො වී, ඔවුන්ගේ දේශපාලනය ගැන බැරෑරුම් (එසේමැයි) විශ්ලේෂනයක යෙදීම මට අවශ්‍ය අතර, මම නිශ්චිතව ම ඔබගේ දෘෂ්ටීන් බෙදාහදා ගනිමි.
17 සඳුදා ඕනෑ ම වේලාවක ඔබ කතා කිරීමට නිදහස් ද? ඔබට හැකි කිසියම් වේලාවක් තිබෙන්නේ නම් එම සමස්ත දිනය පුරා මම නිදහස්ව සිටිමි.
උනුසුම් සුභපැතුම්,
එයිඩන්
අතීතාවර්ජනයේ දී, බෙටී ඔහුගේ සැබෑ අභිප්‍රායයන් වසං කල බව පැහැදිලි වෙයි. කෙසේ වෙතත්, විධිමත් සම්මුඛ සාකච්ඡාවක් සඳහා එකඟවීමට පෙර මට වැඩිදුර තොරතුරු අවශ්‍ය විය. එදින ම (ජනවාරි 11) මම පිලිතුරු යැවුවෙමි:
එයිඩන්,
ඊලඟ සතියේ මගේ කාලසටහන තරමක් කලබලකාරී වෙයි. හෙට හෝ බ්‍රහස්පතින්දා ඔබට වේලාවක් තිබේවි ද? මම කී පරිදි, මෙය ඔබේ පර්යේෂනයෙහි විෂය පථය ගැන මට වඩා හොඳ අදහසක් ලබා දෙන මූලික සාකච්ඡාවක් පමනි. එය ඔබගේ ප්‍රයත්නයන් සඳහා මගේ ආදානය (input) වටින්නේදැයි තීරනය කිරීමට ඔබට උදවු වනු ඇතැයි මම සිතමි.
හීලි “ඉතා නරක ප්‍රසිද්ධ කථිකයෙක්” වී යයි ඔබට කීවේ කවුදැයි මම නො දනිමි. විවාදාත්මකව ඔහු වනාහි පශ්චාත් දෙවැනි ලෝක යුද සමයේ බ්‍රිතාන්‍ය කම්කරු ව්‍යාපාරයේ ක්‍රියාකාරී ව සිටි ශ්‍රේෂ්ඨතම ප්‍රසිද්ධ කථිකයා විය. නිශ්චිතව ම ඔහු බෙවන්ට සමාන වූ අතර, සමහර විට ඊටත් වඩා හොඳ විය. දහස් ගනනින් යුත් මහජන ශ්‍රාවකයන් ඉදිරියේ හීලි කතා කරනවා මම දුටුවෙමි. සමාජීය බලයක් ලෙස කම්කරුවන්ගේ බලය ගැන අදහසක්, සන්නිවේදනය කරමින් කම්කරු පන්තික ශ්‍රාවකයක් උත්තේජනය කිරීමේ පුදුමාකාර හැකියාවක් ඔහුට තිබුනි. ඔහු කී දෙය තුල සැබෑ අන්තර්ගතයක් පැවතුනි.
විශේෂයෙන් ම කවිප (සහ කම්කරු ව්‍යාපාරයේ සියලු ශාඛා තුල) වැඩෙන අර්බුදයේ වසරවල් තුල, දර්ශනවාදය පිලිබඳ ඔහුගේ දේශන සත්‍ය වසයෙන් ම අර්ථභාරී න්‍යායික හා දේශපාලනික අවමංගත වීමක් හෙලිදරවු කලේ ය. නමුත් ඔහු වැරදි වූ විට දී පවා, ඔහුට කීමට තිබුනු දෙය ප්‍රලාප නො වීය.
මම මේ කරුනු ඉස්මතු කරන්නේ හීලි පිලිබඳ පොතක් බොහෝ සංකීර්න දේශපාලනික, න්‍යායික හා ෙඑතිහාසික ප්‍රශ්න මතු කරන බව අවධාරනය කිරීමට පමනි. යෝග්‍ය වූ පරිදි ම, ඔහු විප්ලවීය සමාජවාදී ව්‍යාපාරය තුල ප්‍රධාන දේශපාලනික ප්‍රතිරූපයක් විය. අවාසනාවන්ත ලෙස “යහපත් මිනිස්සු කරන දෙය නිරන්තරයෙන් ඔවුන්ගේ ඇටකටු සමග වලදමනු ලැබේ...”
පසුගිය මැයි මාසයේ සිදු වූ ක්ලිෆ් ස්ලෝටර්ගේ අභාවයෙන් පසුව මා ලියූ අභාවානුකථනයේ ආරම්භක කොටස් ඔබ කියවා තිබේදැයි මම නො දනිමි. ඒවා 1963 දක්වා ඔහුගේ ජීවිත කතාව සමන්විත කරන අතර, මෙම ලේඛනය තුල හීලි වැදගත් ක්‍රියාකලාපයක් ඉටුකරයි. එයට සබැඳිය මෙතැනින්: https://www.wsws.org/en/articles/2021/08/05/slau-a05.html
මෙම ලේඛනය දේශපාලනික චරිතාපදානය කෙරෙහි මගේ ප්රවිෂ්ටය ගැන අදහසක් ඔබට දිය යුතු ය. දේශපාලනික සතුරන් වූ පුද්ගලයන් කෙරෙහි පවා - “විශේෂයෙන් පවා” යයි මම කිව යුතු ය- ලියද්දී වෛෂයික වීමට මම උත්සාහ කරමි.
උනුසුම් සුභපැතුම්,
ඩේවිඩ්
ඉන් පසුව, වට්ස්ඇප් හරහා මූලික සාකච්ඡාවක් සැලසුම් කරගැනීමට ඊ-මේල් පනිවුඩ කිහිපයක් හුවමාරු වූ අතර, එම සාකච්ඡාව 2022 ජනවාරි 12දා සිදු කරන ලදී. මෙම සාකච්ඡාව මගේ උත්සුකයන් සමනය කලේ නැත. සිදු වූයේ එහි ප්‍රතිවිරුද්ධය යි. ට්‍රොට්ස්කිවාදී ව්‍යාපාරයෙහි ෙඑතිහාසික අත්දැකීම් හා ක්‍රියාමාර්ගය පසෙක තැබුවත්, මාක්ස්වාදයේ පදනම් පවා බෙටී අවබෝධ කරගත්තේ හෝ සුබෝධී වූයේ හෝ නැති බව ඉක්මනින් ම පැහැදිලි විය. 1982 හා 1985 අතර වර්ධනය වී තිබුනු (හජාජාක එක්සත් ජනපද ශාඛාව වූ) වර්කර්ස් ලීගය සහ කවිප අතර ගැටුමට අදාල ලේඛන ඇතුලු ජාත්‍යන්තර කමිටුවේ ප්‍රධාන ෙඑතිහාසික හා න්‍යායික ලේඛන කිසිවක් ඔහු අධ්‍යයනය කර තිබූ බවට ඉඟියක් නො වී ය. ජෙරී හීලි ගැන බැරෑරුම් දේශපාලනික චරිතාපදානයක් ලිවීමට පෙර, බෙටීට සෑහෙන වැඩකටයුතු කිරීමට තිබුනු බව අවධාරනය කිරීමට මම හැකිතාක් ආචාරසම්පන්න ව උත්සාහ කලෙමි.
හීලිගේ බලගතු කථිකමය හැකියාව පැහැදිලි ව පෙන්නුම් කරන යූටියුබ් මත තිබෙන හීලි කතා කරන චිත්‍රපටයක් වත් බෙටී නරඹා නො තිබුනු බව මෙම සාකච්ඡාව හරහා පැහැදිලි වුනු නිසා, හීලි “ඉතා නරක ප්‍රසිද්ධ කථිකයෙක්” වී යයි ඔහු දැක්වූ අදහස මට විශේෂයෙන් කාවැදුනි. අපේ සාකච්ඡාවෙන් පසුව, මම ඔහුට චිත්‍රපටයේ සබැඳිය යැවුවෙමි.
බෙටී පසුබට නො වී ය. 2022 ජනවාරි 27දා බෙටී යලි මෙසේ ලීවේ ය:
හිතවත් ඩේවිඩ්,
ඔබ හොඳින් ඇතැයි බලාපොරොත්තු වෙමි. පෙබරවාරි මාසයේ යම් අවස්ථාවක දී විධිමත් සම්මුඛ සාකච්ඡාවක් දීමට ඔබට හැකි වේවි ද? එයිඩන්
ඩේවිඩ් නෝර්ත්, 1989
ජෙරී හීලි සහ හතරවන ජාත්‍යන්තරයේ ඉතිහාසය තුල ඔහුට හිමි තැන
1985 දී හතරවන ජාත්‍යන්තරයෙන් භේද වන තෙක්, හතරවන ජාත්‍යන්තරයේ දීර්ඝ කාලීන නායකයා වූ, දශක පහක් පුරා දිගහැරෙන බ්‍රිතාන්‍ය හා ජාත්‍යන්තර ට්‍රොට්ස්කිවාදී ව්‍යාපාරය තුල අරගලයේ යෙදුනු, ජෙරී හීලිගේ (1913-1989) දේශපාලනික වෘත්තීය ජීවිතය ගැන විවේචනාත්මක තක්සේරුවක්.
වැඩිදුර කියවන්න
2022 ජනවාරි 31දා මම පිලිතුරක් යැවුවෙමි:
හිතවත් එයිඩන්, පිලිතුරු එවීමට ප්‍රමාද වීම ගැන සමාවන්න. පිලිතුර ඔව්. එහෙත් ඒ මාසයේ මැද හරියේ දී.
2022 පෙබරවාරි 1දා බෙටී මෙසේ ලීවේ ය:
ස්තුතියි, ඩේවිඩ්! ඔබට පහසු දිනයන් ගැන මට දැනුම් දෙන්න. ඉක්මනින් ම කතා කරන්නම්.
හජාජාක බ්‍රිතාන්‍ය ශාඛාවේ කාන්තා සාමාජිකාවකගේ සන්නිවේදන තොරතුරු ඉල්ලමින් බෙටී 2022 පෙබරවාරි 10දා එවූ ඊලඟ ඊ-මේල් පනිවුඩය නො වන්නට සම්මුඛ සාකච්ඡාව පැවැත්වීමට ඉඩ තිබුනි. 1985 කවිප සෝලිය මත නාභිගත වන පොතක් ලිවීම ඔහුගේ සැබෑ ඉලක්කය වූ බව මේ වන විට මට ඉතා නිශ්චිත වී තිබුනි. එම නිසා, සම්මුඛ සාකච්ඡාවක් දිය නො හැකි බව සඳහන් කරමින්, 2022 පෙබරවාරි 17දා මම බෙටීට කෙටි පනිවුඩයක් යැවුවෙමි. බෙටී මෙසේ පිලිතුරු එවී ය:
මට දැනුම් දීම ගැන ස්තුතියි! අනාගතයේ දී ඔබට කාලයක් තිබෙන්නේ නම්, සම්මුඛ සාකච්ඡාවක් පැවැත්වීමට මා තවමත් මනාපයෙන් පසුවෙමි, උනුසුම් සුභපැතුම්!
2022 මාර්තු 19දා, යුක්‍රේන යුද්ධයෙහි ෙඑතිහාසික පසුබිම පිලිබඳ ව මා ලියා තිබුනු ලෝසවෙඅ ප්‍රකාශයක සබැඳිය මම බෙටීට යැවුවෙමි.
ඔහු මෙසේ පිලිතුරු දුන්නේ ය:
මෙය මට එවීම ගැන ස්තුතියි. ඔබ හොඳින් ඇතැයි අපේක්ෂා කරමි.
බෙටීගේ මීලඟ පනිවුඩය 2022 මැයි 4දා පැමිනියේ ය. ඔහු ට්විටර් ගිනුම මත පලකර තිබුනු ප්‍රකාශයක සබැඳිය එහි අඩංගු විය. එය මෙසේ පැවසීය:
ඔබ කිසිදාක සමාජවාදී කම්කරු සංගමයේ, කම්කරු විප්ලවවාදී පක්ෂයේ හෝ හතරවන ජාත්‍යන්තරයේ ජාත්‍යන්තර කමිටුව ඇතුලත ඒවාට සම්බන්ධ සාමාජිකයෙකු ව සිටියා ද?
1960 ගනන් 70 ගනන් හෝ 80 ගනන්වල ඔබ බ්‍රිතාන්‍ය වාමාංශික ව්‍යාපාරයේ සිටියා ද? එස්එල්එල් හෝ කවිප සමග සබඳකම් ඔබට තිබෙනවා ද?
මෙම කන්ඩායම් තුල ඔබේ අත්දැකීම් හා මතක සටහන් පිලිබඳ සම්මුඛ සාකච්ඡාවක් පටිගත කිරීමට ඔබ කැමති ද?
අතිශය ප්‍රවේසමෙන් යුතු ව සියලු සම්මුඛ සාකච්ඡා පවත්වනු ලබයි, සම්මුඛ සාකච්ඡාවන් ප්‍රසිද්ධ ෙනා කරන අතර, නිර්නාමික ව පටිගත කරනු ලැබේ.
කම්කරු විප්ලවවාදී පක්ෂයේ ඉතිහාසය පිලිබඳ පොතක කොටස් ලෙස සම්මුඛ සාකච්ඡාවන් භාවිතාවට ගැනෙනු ඇත.
අමතන්න: එයිඩන් බෙටී - wrporalhistoryproject@gmail.org
මෙය, බෙටී සමග බෙදාගැනීමට මනාප වන දහජරාව තිබෙන ඕනෑ ම අයෙකුට, ඔහු කල ආයාචනාවක් විය. තොරතුරු “ඉතා ප්‍රවේසමෙන්” පරිහරනය කරනු ලබන බවටත් සම්මුඛ සාකච්ඡාවන් “නිර්නාමික ව පටිගත කරනු” ලබන බවටත්, ඔහු දුන් පොරොන්දුව විසින් බෙටී සොයමින් සිටි තොරතුරු වර්ගය පැහැදිලි කරනු ලැබිනි.
මෙම අප්‍රසන්න ආයාචනයට ප්‍රතිචාර ලෙස, 2022 මැයි 5දා මම බෙටීට වට්ස්ඇප් පනිවුඩයක් යැවුවෙමි:
මෙමගින් නිෂ්පන්න කරනු ඇත්තේ, ට්‍රොට්ස්කිවාදයෙන් භේද වුනු පුද්ගලයන්ගේ දුෂ්ට ලෙස ආත්මීය හා සාරභූත වසයෙන් ප්‍රති-කොමියුනිස්ට්වාදී වාර්තාවන් පමනි. ඉතිහාසය ලෙස, එහි බුද්ධිමය වටිනාමක් නැත.
මිනිත්තු ගනනක් ඇතුලත බෙටී මෙයට පිලිතුරු දුන්නේ ය:
පැහැදිලිව ම මම එකඟ නැහැ, එහෙත් අප එය අතහැර දැමිය යුතුයැයි මම සිතමි.. ඔබගේ කාලයට ස්තුතියි.
මම එයට ප්‍රතිචාර දැක්වූයෙමි:
කවිප තුල භේදයෙන් පසුව හතරවන ජාත්‍යන්තරය හා විප්ලවවාදී කම්කරු ව්‍යාපාරය ගොඩනැගීමට සහභාගි වන්නන් ප්‍රතිපදානය කලේ කුමක්දැයි විමසීම දේශපාලනික ව හෙලිදරවුකාරී බව සඳහන් නො කල ද ඇසීමට තරම් වටිනු ඇත.
බෙටී මෙසේ පිලිතුරු දුන්නේ ය:
එස්එල්එල් හෝ කවිප යන සංවිධානවල ඍනාත්මක අංශ සියල්ල මධ්‍යයේ පවා, පුද්ගලයින් එම සංවිධාන තුල ගතකල කාලයෙන් ලබාගත් ධනාත්මක දේවල් කවරේදැයි දැනගැනීමට මම නිශ්චිතව ම කැමැත්තෙමි. සම්මුඛ සාකච්ඡාවක් පැවැත්වීමට මා කල ආරාධනය සෑමවිට ම විවෘත අතර, ඒ ගැන තීරනය කිරීම මම ඔබට පවරන්නෙමි!
මම මෙසේ පිලිතුරු දුන්නෙමි:
විවිධාකාර නරුම හා දිරිසුන් පුද්ගලයන්ගේ අත්දැකීම මත නාභිගත වෙමින්, දේශපාලන පුද්ගලාභිවාදන ව්‍යාපාරයක් ලෙස ට්‍රොට්ස්කිවාදය ගැන තවත් ලේඛනයක් ලිවීමට ඔබ තීරනය කර ඇතැයි පෙනේ. ඇත්ත වසයෙන් ම මේ වර්ගයේ ව්‍යාපෘතයක් මත කාලය ගතකිරීමට ඔබට අවශ්‍ය වන්නේ ඇයිදැයි යන්නට පිලිතුරු දිය හැක්කේ ඔබට ම පමනි. එහෙත් බැරෑරුම් දේශපාලනික හා බුද්ධිමය ඉතිහාසයට එයට තිබෙන කිසිදු සබඳතාවක් මට දැකගත නො හැක.
ඔබ කෙරෙහි ආචාර සම්පන්න නො වීමට මම උත්සාහ නො කරමි. එහෙත් අපගේ මූලික සාකච්ඡාවෙන් පැහැදිලි වූයේ, ඔබ හතරවන ජාත්‍යන්තරයේ ඉතිහාසය පිලිබඳ ව බැරෑරුම් අධ්‍යයනයක් කර නො තිබුනු බව යි. හතරවන ජාත්‍යන්තරය හා කවිප ඇතුලත ගැටුම්වලට යටින් දිවෙන සංකීර්න දේශපාලනික හා න්‍යායික ප්‍රශ්න පිලිබඳ ඔබට තිබුනේ ඉතා සුලුපහේ අවබෝධයකි. මෙම ප්‍රයුක්තීන් යෝධ අද්‍යතන වැදගත්කමකින් යුතු වේ- උදාහරනයක් ලෙස, රුසියා-යුක්‍රේන යුද්ධයේ ස්වභාවය හා හේතූන් දැක්විය හැකි ය. සමහර විට ලෝසවෙඅ හි පලකර තිබෙන මගේ මැයි දින කතාවට සවන් දීමට ඔබට කාලය ගත කල යුතු ය.
මේ අවස්ථාව‌ේ දී, ඔහුගේ ව්‍යාපෘතිය මා දැකගෙන ඇතැයි බෙටී මහතා අවබෝධ කරගත්තේ ය. මෙසේ පිලිතුරු දෙමින් ඔහු සුහද භාවයේ මූනත්තහඩුව අතහැර දැමී ය:
ඩේවිඩ්, මෙම සාකච්ඡාව මම නතර කරමි. ඔබේ කාලයට ස්තුතියි.
ඊලඟට 2022 මැයි 5දා හවස මම බෙටීට මගේ අවසන් ප්‍රතිචාරය යැවුවෙමි:
ඔබ මා කරා ප්‍රවිෂ්ට වූයේ සද්භාවයෙන් නො වන බව දැන් පැහැදිලි ය.
කතුවරයා හා ඔහුගේ පොත යන දෙක ම හෙලාදකිමින් මා ට්විටර් (දැන් එක්ස්) මත පලකල ප්‍රකාශයක් පිලිබඳ ව ඔහුගේ “සම්මුඛ සාකච්ඡා ගැන සටහන්” තුල බෙටී මෙලෙස සඳහන් කරයි. “ජෙරී හීලි සහ කම්කරු විප්ලවවාදී පක්ෂය පිලිබඳ ඉදිරියේ පලවන මගේ පොත ගැන මම අද දින @ප්ලූටෝප්‍රෙස් සමග කොන්ත්‍රාත්තුවක් අත්සන් කරන්නෙමි” යි 2022 නොවැම්බර් 1දා බෙටී කල නිවේදනයට ප්‍රතිචාර ලෙස, 2022 නොවැම්බර් 18දා මම සැඳහුමක් පල කලෙමි. මෙම නිවේදනයට ඔහු ප්ලූටෝ ප්‍රෙස් සමග ගිවිසුමේ ස්කෑන් කල පිටපතක් අඩංගු කලේ ය. එම දිනය වන විට, කෘතියේ සැලසුම් කල නාමය වී තිබුනේ “භේදය, භේදය, නැවතත් භේදය: ජෙරී හීලි සහ කම්කරු විප්ලවවාදී පක්ෂය” යන්න යි. පසුව ඔහු කෘතියේ නාමය පක්ෂය සෑමවිට ම නිවැරදියි යනුවෙන් වෙනස් කල අතර, එම වාක්‍යාංශය චෙකොස්ලෝවැකියාවේ 1952 කුප්‍රකට විරේක කිරීමේ බොරු නඩු පිලිබඳ කොස්තා-ගැව්රාස්ගේ දීප්තිමත් චිත්‍රපටය වන ද කන්ෆෙෂන් (පාපෝච්ඡාරනය) තුල කුප්‍රකට ස්ටැලින්වාදී නිලධරයෙකු විසින් කරන එකක් මිස හීලි කියූ දෙයක් නො වේ.
බෙටීගේ පෝස්ටුවට ප්‍රතිචාර ලෙස, මම මෙසේ ලියුවෙමි:
බෙටී මහතා පසුගිය වසරේ මා ඇමතුවේ ය. 1) බෙටී ට්‍රොට්ස්කිවාදී ව්‍යාපාරයේ ඉතිහාසය පිලිබඳ කිසිවක් නො දන්නා බවත්; 2) නිරපේක්ෂ වසයෙන් ම දේශපාලනික හෝ බුද්ධිමය වටිනාකමකින් තොර අසභ්‍ය කෘතියක් ලිවීමට ඔහු සැලසුම් කරමින් සිටින බවත් ඉක්මනින් ම පැහැදිලි විය. මම ඔහු සමග සන්නිවේදනය බිඳ දැමුවෙමි.
බෙටීගේ කෘතියෙහි අන්තර්ගතය මගේ තක්සේරුව මුලුමනින් ම තහවුරු කරයි.
එහෙත් යමෙක්ට තවමත් මෙම ප්‍රශ්නය ඇසීමට බල කෙරේ: මෙම කෘතිය ලිවීමට බෙටී මහතා පෙලඹුවේ කුමක් විසින් ද? “පසුවදන: විසිඑක්වැනි සියවසේ හීලිවාදය” නමැති අවසාන පරිච්ඡේදය මෙම ප්‍රශ්නයට පිලිතුර සම්පාදනය කරයි. එය මුලුමනින් ම කැපකර ඇත්තේ සමාජවාදී සමානතා පක්ෂයත් පුද්ගලික ව මාත් හෙලාදැකීමකට ය.
ලිංගික අපයෝජනය පිලිබඳ ව්‍යාජ චෝදනාවන්ට ලක් වී සිටි හාවඩ් විශ්ව විද්‍යාලයේ මානව විද්‍යාඥයෙක් වන ජෝන් කොමාරෝෆ්ට මඩ ප්‍රහාරයක් එල්ල කිරීම සමගින් පරිච්ඡේදය ආරම්භ වේ. ශිෂ්‍ය පුවත්පත තුල සුප්‍රකට ශාස්ත්‍රාලිකයාට එරෙහි ව ගෙන ගිය කටුක උද්ඝෝෂනයක් නො තකා, ඔහුට එරෙහි චෝදනාවන් විශ්වාසවන්ත තොරතුරුවලින් තොර බව හෙලිදරවු කරනු ලැබුනු අතර, එවකට 80විය ට ආසන්න ව සිටි කොමාරෝෆ් ව යලි සේවයේ පිහිටුවන ලදී. නඩුවේ කරුනු හා එහි ප්‍රතිඵලය නො තකමින්, “කොමාරෝෆ්ට එරෙහි ලිංගික අපයෝජනය පිලිබඳ විශ්වාසවන්ත චෝදනා නො තකා, ඔහුට යටහත් පහත් ක්ෂමාලාපයක්” පලකිරීම ගැන, බෙටී ලෝක සමාජවාදී වෙබ් අඩවිය හෙලාදකියි. (136-137) ඇත්ත වසයෙන් ම, “විශ්වාසවන්ත සාක්ෂි” නො පැවති අතර, ලෝසවෙඅ පලකලේ “යටහත් පහත් ක්ෂමාලාපයක්” නො ව, දඩයමේ සම්භවයන් හා ප්‍රෝඩාකාරී තොරතුරු ගැන බැරෑරුම් විශ්ලේෂනයන් මාලාවකි.
ලෝසවෙඅ කලාව කර්තෘ ඩේවිඩ් වොල්ෂ් විසින් ලියන ලද, “හාවඩ් මානව විද්‍යාඥ ජෝන් කොමාරෝෆ්ට එරෙහි දේශපාලනික ව ප්‍රේරනය කරන ලද උද්ඝෝෂනය” යන හිසින් යුත්, මෙම විශ්ලේෂනයන්ගෙන් වඩාත් ම සවිස්තරාත්මක ලිපිය 2022 මාර්තු 15දා පලකරන ලදී. හරසුන් චෝදනාවන් ප්‍රවේසමෙන් හෙලිදරවු කිරීමෙන් පසුව -විශ්ව විද්‍යාල දේශන මත ආධිපත්‍යය දරන ලිංගික න්‍යායඥයින් විසින් උද්‍යෝගිමත්ව ප්‍රවර්ධනය ලද - ව්‍යාජ කියාපෑම් මත පදනම් වූ කොමාරෝෆ්-විරෝධී උද්ඝෝෂනයෙහි ලිංගික කොල්ලකරුවන් “වරප්‍රසාද ධූරාවලිය” විසින් ආරක්ෂා කරනු ලබන්නේය යන න්‍යායික පදනම් වොල්ෂ් විභාග කලේ ය. වොල්ෂ් විස්තර කරන පරිදි:
'වරප්‍රසාද ධුරාවලිය' ඕනෑම සහ සියලුම ප්‍රපංච සඳහා හේතු වන, සියල්ල ආවරනය වන බලවේගයක් වන මැජික් සූත්‍රය බවට පත් වේ. ධූරකාලික මහාචාර්යවරයෙකුට චෝදනාවක් නම්, හෙලාදැකීම හෝ ප්රතික්ෂේප කිරීම එබඳු “ශාස්ත්‍රීය කුල ක්‍රමයක්” පවතින බවට සාපරාධී සාක්ෂියකි. කොමාරෝෆ් සහ අනෙකුත් අය ප්‍රහාරයන්ට දක්වන ක්‍රියාශීලී ප්‍රතිරෝධය වරදකාරීත්වයේ තථ්‍ය සංඥාවක් ලෙස අර්ථකථනය කරනු ලැබේ. මාධ්ය හා චෝදකයන් අනුගමනය කරන්නේ, සාලෙම් නඩු විභාගවල විනිසුරුවරුන්ගේ ප්රවිෂ්ටය යි. එනම්, අ ස්ටෝම් ඔෆ් විච්ක්රාෆ්ට් තුල එමර්සන් ඩබ්ලිව්. බේකර් ඉදිරිපත් කරන පරිදි “ඔවුන්ගේ මූලෝපාය සමන්විත වූයේ, ‘වරදකාරී නමුත් පාපෝච්ඡාරනය කිරීමට අකැමති’ මානසිකත්වයක් නිර්මානය කිරීමෙනි. පාපෝච්ඡාරනය කිරීම ප්රතික්ෂේප කරන චූදිතයන් බොරු කියන බවට උපකල්පනය කිරීමට ඔවුහු එය යොද ගත්හ.”
“වරප්‍රසාද ධූරාවලියේ” තර්කය වෘත්තාකාර, පිලිතුරු දිය නො හැකි හා මිථ්‍යාමය තර්කයකි. එක්ස් හෝ වයි නමැති උපාධිධාරී ශිෂ්‍යයාට රැකියාවක් සොයාගැනීමට උදවු කිරීමට ප්‍රමුඛ පෙලේ මහාචාර්යවරයෙක් අසමත් වන්නේ නම්, ඔහු දැනුවත්ව ම එක්ස්ගේ හෝ වයිගේ වෘත්තීය මාවතට බාධාකරමින් සිටියි. රැකියා වෙලඳපොලේ හා අවශ්‍ය කරන ශාස්ත්‍රාලික සුදුසුකම්වල වෛෂයික කරුනු සරලව ම නො තකා හරිනු ලැබේ.
වොල්ෂ් කරන විශ්ලේෂනය උපුටා දැක්වීම හෝ කිසිදු ආකාරයකින් එයට ආමන්ත්‍රනය කිරීම බෙටී කරන්නේ නැත. ඒ වෙනුවට, පහත පරිදි ප්‍රකාශ කරමින් ඔහු නිර්ලජ්ජිත ලෙස ලෝසවෙඅ ට මඩගැසීම කරා ඉදිරියට යයි.
වෙබ් අඩවිය ඍජුව ම කොමාරෝෆ් ආරක්ෂා කිරීම කිසිසේත් එහි ස්වභාවයෙන් වෙනස් නො වේ: (වරදකාරී වූ ස්ත්‍රී දූෂකයෙක් වන) හාවි වයින්ස්ටයින්, (ලමා අපයෝජනය ගැන විශ්වාසවන්ත චෝදනා එල්ල වන) වුඩී ඇලන් සහ (සහෝදර විකට ශිල්පීන් ආන්තික ලිංගික අතවරයන්ට ලක් කල බව පිලිගත්) ලුවී සීකේ ගැන ද වරදෙන් මුදවන ලිපි පල කර ඇති ඔවුන්ට විවිධාකාර මීටූ හෙලිදරවු කිරීම්වලින් පසුව පැමිනි ලිංගික අතවර පිලිබඳ විවාදයන් සම්බන්ධයෙන් පොදු අවඥාවක් ඇත. (137)
මෙය පච මල්ලකි. ලෝසවෙඅ කිසි දිනක හාවි වයින්ස්ටයින් “වරදෙන් මුදවාලූයේ” නැත. 2017 ඔක්තෝබර් 12දා ලෝසවෙඅ පලකල ලිපියක් තුල ඩේවිඩ් වොල්ෂ් මෙසේ ලිවී ය:
වෙන කිසිවක් නො වේ නම්, සුප්‍රකට මැරයෙක් හා සිය සේවකයන් අපයෝජනය කරන්නෙක් වන හොලිවුඩ් නිෂ්පාදකයා වෙනුවෙන් කරුනු ඉදිරිපත් නො කරන අපි, ඔහුගේ සදාචාරය පිලිබඳ ව සාක්ෂි නො දරමු. ලිංගික අතවර චෝදනාවන්ගෙන් කොටසක් පමනක් හෝ සත්‍ය වන්නේ නම්, ඔහුගේ පැවැත්ම පිලිකුල් සහගත හා සමහර විට සාපරාධී ය.
එහෙත් “නිසි ක්‍රියාදාමය හා අහිංසකත්වයේ පූර්ව නිගමනය ඇතුලු ව්‍යවස්ථාමය අයිතීන් වයින්ස්ටයින්ට ඇතැ” යි වොල්ෂ් පාඨකයන්ට අනතුරු ඇඟවී ය. ඔහු මෙසේ සඳහන් කලේ ය:
ඇමරිකාව තුල (සහ හොලිවුඩ් හි - චාලි චැප්ලින් හා අනෙකුත් අය ඇතුලු ව) ලිංගික සෝලීන්ගේ දීර්ඝ ඉතිහාසයක් පවතින අතර, ඉන් එකක් වත් ප්‍රගතිශීලී දිශාවකට යොමු වූයේ නැත. නිරන්තරයෙන් බලගතු ආර්ථික අවශ්‍යතා තෘප්තිමත් වන පරිදිත්, පොදුවේ දේශපාලනය දකුනට තල්ලු කරනු ලැබීමේ ප්‍රතිඵල සහිතව, ලිංගික සෝලිය වනාහි වෙනත් ප්‍රශ්න විසඳනු ලබන යාන්ත්‍රනයක් වෙයි. දක්ෂිනාංශය සහ යටහත් මාධ්‍යයන් විසින් උපායික ව යොදාගන්නා ලද ක්ලින්ටන්-ලෙවින්ස්කි සිද්ධිය, ආසන්න වසයෙන් වසර දෙකක් පුරා ඇමරිකානු දේශපාලන ජීවිතයෙහි වේදිකාවේ කේන්ද්‍රයට පැමින, දෙවරක් ඡන්දයෙන් තෝරා පත්කරගත් ජනාධිපතිවරයෙකු ධූරයෙන් ඉවත් කිරීමේ කුමන්ත්‍රන උත්සාහයකට තුඩු දුනි.
මැකාති යුගයේ සිට නො දක්නා ලද පරිමානයකින් සල්ලාල, සනාථ නො කරන හා ව්‍යාජ චෝදනාවල පදනම මත, කලාකරුවන්, ලේඛකයන්, නලුවන් හා අනෙකුත් ප්‍රසිද්ධ පුද්ගලයින්ගේ වෘත්තීය ජීවිතය විනාශ කර දමා ඇති, දඩයම් කිරීමේ වටාපිටාවක් නිර්මානය කර ඇති ප්‍රතිගාමී මීටූ ව්‍යාපාරය අනාවරනය කිරීමේ දී හා හෙලාදක්නා ලැබීමේ දී ලෝසවෙඅ ක්‍රියාත්මක වූයේ මෙම මූලධර්මාත්මක සලකා බැලීම් මත ය. වයින්ස්ටයින්ගේ නඩුව ගැන කියන්නේ නම්, වංක විනිසුරුවරයෙකු විසින් අධීක්ෂනය කරන ලද කැලෑ උසාවියක (kangaroo court ) ක්‍රියාමාර්ග හරහා ඔහු වරදකාරී කිරීම, නිව් යෝක් ප්‍රාන්ත අභියාචනාධිකරනය විසින් නිෂ්ප්‍රභා කරනු ලැබ තිබේ.
එසේ නම්, බෙටීගේ ඊනියා හීලි චරිතාපදානය සහ අවසාන කොටස තුල ඔහු සසප හා ලෝසවෙඅ හෙලාදැකීම අතර සම්බන්ධය කුමක් ද? එය වනාහි, 1970 ගනන් හා 1980 ගනන් තුල හීලිගේ අපයෝජනීය හැසිරීම සහ සමාජවාදී සමානතා පක්ෂයේ මාක්ස්වාදී පන්ති-පාදක දේශපාලනය සම්බන්ධ කිරීමේ වංක උත්සාහයකි. ඔහු මෙසේ ලියයි:
වරෙක ටිම් වුල්ෆර්ත් නායකත්වය දුන් සහ ජෙරී හීලිගේ සමීප ආනුභාවය තිබුනු වර්කර්ස් ලීගය තුල සසපට පදනම් ඇත. කවිප වෙතින් එය උගත් අදහස් වර්ධනය කරමින්, සසප විසින් අන් සියල්ලට ඉහලින් පන්තිය පිහිටුවීම, හුදෙක් වර්ගය හා ලිංගිකත්වය පමනක් නො ව ආන්තික ලිංගිකවාදය හා වර්ගවාදය ද මුළුමනින් පිටුදකිනු ලැබ ඇත (137)
මේ ලක්ෂ්‍යය වන විට, බෙටීගේ කෘතියට යටින් පවතින දේශපාලනික අභිප්‍රේරනයන් අතිශයින් පැහැදිලි වෙයි. ඔහු ලියමින් සිටින්නේ ඉතිහාසඥයෙකු ලෙස නො ව, ඩිමොක්‍රටික් පක්ෂය සඳහා දේශපාලනික අන්තේවාසිකයෙකු ලෙසිනි. “වර්තමාන සිද්ධීන් ගැන අතිවාමාංශික ඉදිරිදර්ශනයන් සහ විශේෂයෙන් ම ඇලෙක්සැන්ඩ්‍රියා ඔකාෂියෝ-කෝටෙස් පමනක් නො ව බර්නී සෑන්ඩර්ස් හා ජෙරමි කෝබින් වැනි මෑත කාලීන ප්‍රජාතාන්ත්‍රික සමාජවාදී දේශපාලනඥයන්ට අවිශ්වාසයෙන් යුතු ව එල්ල කරන ප්‍රහාර” ගැන ඔහු සසප හෙලාදකියි. ඔහු 'අවිශ්වාසය' ලෙස හඳුන්වන්නේ අධිරාජ්‍යවාදයේ මධ්‍යම පන්තික දේශපාලන ඒජන්තයන් පිලිබඳව සුප්‍රසිද්ධ මාක්ස්වාදී විවේචනයයි.
හීලි මියගොස් 35 වසරක් වන හෙයින්, එම දුෂ්ට ආත්මයේ පුනරාවතාරය ලෙස ඉදිරිපත් කල හැකි තවත් යක්ෂයෙකු බෙටී සොයාගත යුතු ය. එම නිසා, “නෝර්ත් ඔහුගේ මුල් කාලීන ජීවිතය සුපරික්ෂාකාරීය ... සසප ඇතුලත පවා ඔහුගේ පසුබිම ගැන වැඩි දෙයක් දන්නේ නැත” යි නිවේදනය කරමින්, බෙටී මා කෙරෙහි අවධානය යොමු කරයි. මෙම කරදරකාරී තත්ත්වය නිවැරදි කිරීමට, ජෙරී හීලිගේ චරිතාපදානයක් යයි කියාපාන කෘතියකට මුලුමනින් ම අදාල නො වන මගේ ලමා කාලය හා ශිෂ්‍ය ජීවිතය පිලිබඳ තොරතුරුවලට බෙටී යොමු වෙයි. හීලි සමග මගේ දේශපාලන වෙනස් කම් වාර්තා කරනු ලබන ගනන් නැති ලේඛන ගැන ඔහුගේ පූර්ව පරිච්ඡේද තුල නො තකා හැර තිබෙන ඔහු, මගේ පවුල් පසුබිම පිලිබඳ වාර්තා අනාවරනය කරගැනීමට Ancestry.com වෙත හැරුනේ ය.
මගේ නිත්‍යානුකූල නම, (ඩේවිඩ් ග්‍රීන් ) 1953 දී මගේ ජීව-විද්‍යාත්මක පියාගේ අභාවයෙන් පසුව මගේ මව විවාහ වූ පුරුෂයාගෙන් අත්පත් කරගත් බව ඔහුගේ සොයාගැනීම් අතර වෙයි. මගේ සීයා පෝලන්ත-ජර්මානු හා යුදෙව් සංගීත රචකයෙක් සහ වාද්‍ය වෘන්දිකයෙක් වූ ඉග්නේට්ස් වැග්හෝල්ටර් (1881-9149) වූ බවත්, ඔපෙරා ගායිකාවක් වූ මගේ මව වේදිකාවෙන් ඉවත් වීමෙන් පසු සංචාරක ඒජන්සියක් ආරම්භ කල බවත් යන දෝෂාරෝපිත තොරතුරු ද ඔහු අනාවරනය කරගනී. ඔහු මෙසේ ලියයි: “ස්විට්සර්ලන්තයේ ගිම්හාන නිවාඩු ගතකිරීමට තරම් පවුල ධනවත් විය. මුල් කාලයේ පටන්, ඩේවිඩ් නෝර්ත්ට සංස්කෘතික ප්‍රාග්ධනයක මෙන් ම නිම නැති ආර්ථික ප්‍රාග්ධනයක ද ආශීර්වාදය හිමි විය.” තවත් පැමිනිලි තිබේ ද?
(මගේ සීයාගේ වෘත්තීය පිලිබඳ ව වැඩිදුර දැනගැනීමට කැමති අයට ඉග්නේට්ස් වැග්හෝල්ටර් ගැන විකිපීඩියා සටහනට පිවිසීම හෝ ස්පොටිෆයි හෝ යූටියුබ් නාලිකාව මත ඔහුගේ සංගීත නිර්මානයන්ට සවන්දීම කල හැකි ය.)
මගේ ගුප්ත පසුබිම තුලට බෙටීගේ පර්යේෂනයට 1967 සිට 1971 දක්වා මා ඇතුල් වී සිටි ට්‍රිනිටි කොලීජියේ ලේඛනාගාරය පිරික්සීම ඇතුලත් විය. එම වරසවල් තුල මා වඩ වඩා මුලාවෙන් මිඳුනු 18-හැවිරිදි වාම ලිබරලෙකුගේ සිට 21-හැවිරිදි ට්‍රොට්ස්කිවාදියෙක් දක්වා වර්ධනය වූයේය යන කම්පාකාරී කරුන ඔහු අනාවරනය කරගෙන ඇත. “මම පුද්ගලික ව ඇමරිකානු සමාජය ගැන ඉතාමත් අසන්තෘප්ත වෙමි” යි මා සඳහන් කල 1968 දී පැවැත්වූ පුවත්පත් සම්මුඛ සාකච්ඡාවක් ඔහු සොයා ගත්තේ ය. එපමනක් නො ව, සරසවියේ පුවත්පතේ කර්තෘවරයා ලෙස සේවය කල මම, (බෙටී සඳහන් කරන ලෙස 1970 දී නො ව) 1969 වසරේ දී යුද-විරෝධී ඩිමොක්‍රටික් පක්ෂ සෙනෙට් සභික වාන්ස් හාට්කේගේ කාර්යාල තුල පුහුනු වන්නෙක් හා කතා රචකයෙක් ලෙස අධ්‍යයන වාරයක් ගත කලෙමි.
සසප වානිජමය මුද්‍රන සමාගමක් පවත්වාගෙන යාම මගින් අමතර ආදායම් ඉපයීය යන්න වැනි අතිරේක හෙලිදරවු කිරීම්වල පිටු කිහිපයකින් පසුව, ලෝසවෙඅ කර්කශ දේශපාලනික හෙලාදැකීමට බඳුන් කිරීමක් සමගින් බෙටී ඔහුගේ චෝදනා පත්‍රය සමාප්ත කරයි:
නිකොලේ හන්නා-ජෝන්ස්ගේ 1619 ව්‍යාපෘතිය දෙපිටකාට්ටු ලෙස හෙලාදැකීම සඳහා කුප්‍රකට මන්ඩපයක් ලෙස ලෝසවෙඅ සේවය කලේ, 2021 අන්ත-දක්ෂිනාංශික තීරනාත්මක වර්ග න්‍යායයේ උත්සන්නිය අවුස්සාලීමට උදවු කිරීමේ දී අසම්භාව්‍ය භූමිකාවක් ඉටු කරමිනි. ඔවුන්ගේ සියලු මාක්ස්වාදී මවාපෑම් ගත් විට, ගෝඩන් වුඩ් වැනි ගතානුගතික ඉතිහාසඥයන්ට බහුවිධ වේදිකාවන් සසප විසින් සපයා දුන්නේ, ඔවුන් සමග සංවිධිත වර්ගවාද-විරෝධයට අවඥාවක් බෙදාහදා ගනිමිනි. විවේචනාත්මක ජනවාර්ගික න්‍යාය ට නෝර්ත්ගේ හතුරුකම කොතරම් ශක්තිමත් ද යත්, පාඨශාලාවේ වාර්ගික ව දැනුවත් ඉගැන්වීමේ ක්‍රම වාරනය කරනු වස්, ඔහුගේ උසස් පාඨශාලාවේ ආදි ශිෂ්‍යයන්ගේ ට්‍රිනිටි ට්‍රයිපෝඩ් නමැති සඟරාවට ඔහුගේ නිත්‍යානුකුල නම (!) භාවිතා කරමින් ලිපියක් ලිවීමට තරම් දුශ්චරිත වත් වීමට ඔහු මනාපයෙන් පසු විය. (147) (සටහන: ට්‍රිනිටි පෝඩ් යනු සරසවියේ පුවත්පත මිස එහි ආදි ශිෂ්‍ය සඟරාව නො වී ය. බෙටීගේ ලේඛනය තුල පවතින ගනන් නැති කරුනුමය වැරදිවලට මෙය එක් කුඩා උදාහරනයක් පමනි.)
සසප ට්‍රොට්ස්කිවාදී ක්‍රියාමාර්ගය විස්තීර්න හෙලාදකිමකට ලක්කරමින් බෙටී ඔහුගේ වෙලුම අවසන් කරයි:
පන්ති අරගලය යන පටු ලෙස අර්ථ දක්වන සංකල්පය ගැන පමනක් සැබෑ සමාජවාදියෙක් උත්සුක විය යුතුය යන කියාපෑම මත පදනම් වන, එක්තරා වර්ගයක ග්‍රාම්‍ය මාක්ස්වාදී තර්කනයක් සසප ලෝක-දෘෂ්ටියට යටින් පවතී; මේ අනුව වර්ගය හෝ ලිංගිකත්වය පිලිබඳ ඕනෑ ම දේශපාලනයක් භේදකාරී, අපසරනයක් හා ඉඩදිය නො හැක්කක් වේ. පන්ති විඥානය අත්හැර දැමීමක් ලෙස දැකගන්නා පශ්චාත්-1968 අනන්‍යතා දේශපාලනයට පවතින හතුරුකමක් ද මෙහි දී ක්‍රියාත්මක වේ. හීලිගෙන් උරුම කරගන්නා, ට්‍රොට්ස්කිවාදය පිලිබඳ සසපයේ ඉතා සාධර්මික හුයපට සතුව ද ට්‍රොට්ස්කිවාදී නායකත්වයක් සහිත බොල්ශෙවික් වර්ගයේ මහජන නිර්ධන පන්තික පක්ෂයක් ගැන වන පරිසීමිත අදහසක් ඇතුලත ක්‍රියාත්මක නො වන ඕනෑ ම සමාජ ව්‍යාපාරයක් සමග සුවිශේෂී ගැටලුවක් තිබේ. (147)
බෙටීගේ කෘතිය දේශපාලන ප්‍රහාරයක් මිස ශාස්ත්‍රීය චරිතාපදානයක් නො වේ. පසුව පල කරන විමර්ශනයක් තුල, මෙම දුෂ්කාර්ය කෘතිය ලිවීම පිලිබඳ බොහෝ ප්‍රශ්න ගවේෂනය කරනු ඇත. මෙම කෘතියෙහි එක ම කතුවරයා බෙටී මහතා පමනක් නො වන බවත්, කෘතිය සඳහා අවශ්‍ය අමුද්‍රව්‍ය මෙතරම් විශාල ප්‍රමානයක් එකතු කරගැනීමේ දී ඔහුට සැලකිය යුතු සහයෝගයක් තිබුනු බවත්, විශ්වාස කිරීමට හොඳින් ම හේතු පවතී. ජාත්‍යන්තර කමිටුවට හතුරු දේශපාලන ප්‍රවනතාවක් සමග අනුබද්ධ ප්ලූටෝ ප්‍රෙස් විසින් මෙම කෘතිය පල කරන තතු තුල, මෙම වෙලුම ගැන “පර්යේෂන කිරීමේ දී” හා ලියද්දී එම ආයතනය බෙටීට සැලකිය යුතු සහයෝගයක් සම්පාදනය කල බව, යමෙකුට සාධාරන ලෙස උපකල්පනය කල හැක.
තව ද 2015 සිට බෙටී වැඩ කරමින් සිටි ප්‍රධාන කෘතියක් ලිවීම හා පලකිරීම තුල ඔහු නිමග්න ව සිටි අතර, මෙම කෘතිය නිෂ්පන්න කිරීමට ඔහු කාලය සොයා ගත්තේ කෙසේ ද යන්න ගැන පවා යමෙක් පුදුමයට පත් විය යුතු ය.
පුද්ගලික දේපොල සහ සමාජ කලබැගෑනියේ භීතිය කෘතියට ඔහු ඉදිරිපත් කර ඇති ස්තුති කිරීම්, 2023 දී එය පලකිරීමට තුඩු දුන් ක්‍රියාදාමය ගැන සවිස්තර වාර්තාවක් සම්පාදනය කරයි. විශේෂයෙන් ම රචනා කිරීම හා සංස්කරනය කිරීම ඇතුලු අවසාන තීරනාත්මක වැඩකටයුතු සිදු වූයේ, හීලි චරිතාපදානය ගැන පර්යේෂන කරමින් හා එය ලියමින් ඔහු සිටියේ යයි කියන අතර ය. ව්‍යාපෘති දෙකක් ඒකාබද්ධ කිරීම බෙටී කලමනාකරනය කරගත්තේ කෙසේ ද?
පුද්ගලික දේපොල සහ සමාජ කලබැගෑනියේ භීතිය පලකිරීමට තුඩු දුන් ක්‍රියාදාමය විස්තර කරමින්, “කලබැගෑනි සහිත හා ආවාට ගියාට කර තිබීමේ දීර්ඝ කාලයක් හරහා කෙටුම්පත ගමන් කලේ ය” යි බෙටී ලියයි. (ix) “නිර්නාමික සම විමර්ශකයන් දෙදෙනෙක්, බහුල ලෙස දල කෙටුම්පතක් (අපේක්ෂාකාරී ලෙස) වඩා සංගතික යමක් බවට වෙනස් කිරීමට මට උදවු වුනු ඉතා සාධනීය සැඳහුම් මාලාවක් සම්පාදනය කලෝ ය” යැයි ඔහු සටහන් කරයි. (ix)
පක්ෂය සෑමවිට ම නිවැරදියි කෘතිය පලකිරීමට පෙර, මෙම දෘඪ ක්‍රියාදාමයට ලංවන හෝ කිසිවක් සිදු නො වී ය. ඔහුගේ කෙටුම්පතේ සම විමර්ශනයක් ගැන සඳහනක් නැත. “බ්‍රිතාන්‍ය ට්‍රොට්ස්කිවාදයේ ඉතිහාසයෙන් එන රසවත් කත්නදර පිලිබඳ ව ...මම දෙඩවූ වැල්වටාරම්වලට ඇහුම්කන් දීම” ගැන බෙටී ඔහුගේ තදාසන්න පවුලට ස්තුති කරයි.” (ix) ජෙරී හීලිගේ වෛරක්කාරයන් හා ට්‍රොට්ස්කිවාදයේ කටුක විරුද්ධවාදීන් කියන ලද ඕපාදූප හා කටකතා මත බොහෝ දුරට පදනම් වන “රසවත් කතන්දරවලින්” ඔහුගේ චරිතාපදානය සමන්විත වෙයි.
ඔහුගේ හීලීට පහර දෙන කොටසට පෙර එන ස්තුති කිරීම් තුල අඩංගු වන තොරතුරක් වන, “මෙම ව්‍යාපෘතියට යුදෙව්, ඊස්රායල-පලස්තීන හා ගෝලීය සබඳතා තිබීම දැකගැනීමට තරම් නො මසුරු වූ පිට්ස්බර්ග් විශ්ව විද්‍යාලයේ යුදෙව් අධ්‍යයන වැඩසටහන හා ලෝක ඉතිහාස මධ්‍යස්ථානය විසින් බ්‍රිතාන්‍යය තුල බෙටීගේ පර්යේෂනයට අරමුදල් සැපයී ය” යන්න අර්ථභාරී වෙයි. (අවධාරනය ඈඳිනි) මෙම “සබඳතා” කවරක් ද යන්න බෙටී මහතාගේ අතිරේක තොරතුරුවලින් තොර ව කිසිදු අයුරකින් පැහැදිලි නැත. යුදෙව් හා ඊස්රායල අධ්‍යයන ක්ෂේත්‍රය වන්නේ, ඉතිහාසඥයෙකු ලෙස බෙටීගේ ප්‍රධාන ප්‍රවීනත්ව ක්ෂේත්‍රය බව මෙහි දී සටහන් කල යුතු ය. අයර්ලන්ත ජාතිකවාදය සහ සියොන්වාදය අතර සන්සන්දනාත්මක කෘතියක් වූ, සුලු-ධනේශ්වර ශාස්ත්‍රාලික ලිංගිකත්වය න්‍යායයේ බලගතු ආනුභාවයට යටත් වන අයර්ලන්ත ජාතිකවාදය තුල පිරිමිකම සහ බලය කෘතිය ඔහුගේ පලමු කෘතිය යි. සියොන්වාදයට-ගැති ප්‍රධාන පදනම් ආයතනයක් වන ඇස්රියේලි ආයතනයෙන් එම ව්‍යාපෘතියට සැලකිය යුතු අරමුදල් ලැබුනි.
මෙම ප්‍රහාරය පැවරුම හා එය පලකිරීම සඳහා පෙලඹුනු වේගය, ෆැසිස්ට් ඊස්රායල පාලන තන්ත්‍රය ගෙන යන ජනසංහාරක යුද්ධයට එරෙහි ව ලෝක සමාජවාදී වෙබ් අඩවිය ගෙන යන උද්ඝෝෂනයට ප්‍රතිචාරයක් ය යන්න නිගමනය කිරීම කිසිසේත් ම අසාධාරන නැත. බෙටීගේ ප්‍රති-ට්‍රොට්ස්කිවාදී ව්‍යාපෘතියේ අනුග්‍රාහකයන් “යුදෙව්, ඊස්රායල-පලස්තීන හා ගෝලීය සබඳතා දැකගැනීමට නො මසුරු වුනු” බව සටහන් කිරීමේ දී බෙටී සමහර විට ඉඟි කරමින් සිටියේ මෙය යි.
සත්‍යය කවරක් වුවත් එක් දෙයක් නිශ්චිත ය: මෙම කාලකන්නි කෘතිය රචනා කිරීම සමගින්, බෙටී මහතා ඔහුගේ වෘත්තීයමය කීර්තිනාමයට කිසිදා ගොඩ ඒගත නො හැකි ප්‍රහාරයක් එල්ල කර ඇත. ජෙරී හීලිගේ අවසන් අවුරුදුවල ඛේදවාචී ස්වභාවය නො තකා, ඔහු ව සිහිපත් කෙරෙනු ඇත්තේ බ්‍රිතාන්‍ය කම්කරු පන්තියේ හා සමාජවාදය සඳහා ජාත්‍යනත්ර අරගලයේ ඉතිහාසය තුල වැදගත් චරිතයක් ලෙස යි. බොහෝ දශක ගනනක් පුරා ස්ටැලින්වාදීන්ගේ සහ සමාජ ප්‍රජාතන්ත්‍රවාදීන්ගේ පාවාදීම් හා අපරාධයන්ට එරෙහි ව විප්ලවවාදී ඉදිරි දර්ශනය ආරක්ෂා කිරීමට ඔහු කල සියලු ප්‍රතිපදානයන් අමතක නොවනු ඇත.
බෙටීට අසතුටුදායක වුව ද කෘති හා ඒවායේ කතුවරුන්ගේ ඉරනම නො වෙන්කල හැකි ලෙස බැඳී පවතී. දුෂ්ට මිනිසුන්ගේ මරනින් පසු ඔවුන් ගැන ලියති. බෙටී ව සිහිපත් කරනු ලබනවා ඇත්තේ මෙම කෘතිය වෙනුවෙනි.